ما هو الأكسبوزد ؟
الاكسبوزد xposed هو تطبيق للأندرويد فيه عدة اضافات عموما موجودة للتعديل على النظام أو التطبيقات سواء تطبيقات نظام أساسية أو تطبييقات طرف ثالث بيتم تحميلها من قبل المستخدم.
هي الاضافات مو من تطوير أصحاب تطبيق أكسبوزيد نفسن هدول مطورين عاديين عملو هالاضافات وطرحوها بمتجر أكسبوزيد.
أكسبوزيد فيه اضافات بتشتغل ع بعض الانظمة أو الأجهزة بدون غيرا
طبعا هوي بيشتغل ع الأجهزة المروتة فقط !! وطريقة تثبيتو بتختلف من موبايل لغيرو , بالنسبة للاكسبوزد بالأنظمة من 4.4 ولتحت رح احكي عن تثبيتتو لكن الأنظمة فوق 4.4 بدك تفلش الاكسبوزد من الريكفري المعدل ولكل نظام الو اكسبوزد خاص فيه
هلق اللوليبوب والمارشميلو الن اكسبوزد بيتفلش من الريكفري بس النوغا لحد اللحظة ما الو اكسبوزد.
عموما للي نظامو 5.0 أو أعلى يشوف الرابط Xposed 5.0
طريقة التثبيت بالأنظمة 4.4 أو أقل
بتحمل تطبيق Xposed من الرابط : xposed installer
منثبت تطبيق الأكسبوزد عادي متل أي تطبيق عادي
منفوت عليه وبعدا منفوت ع أول خيار اسمو framework
بيعطيك تحذير متل الصورة حط ok
منفوت على install/update
هلق بيطلب صلاحيات روت بتعطيه صلاحيات الروت بعدا منحط ok
هلق بيعمل اعادة تشغيل عادي بس يشتغل بيكون تثبت الاكسبوزد نظامي وطبيعي
تثبيت الأضافات Modules وتفعيلها
الاضافات بتتحمل وبتتثبت طبيعي متل اي تطبيق
بس تثبت الاضافة بتفوت ع الاكسبوزد بعدا الاضافات / Modules
بتحط صح ع الاضافة يلي بدك تفعلا وبعدا اعادة تشغيل
الافضل من اعادة التشغيل اذا بتحب في شي اسمو soft reboot موجود بقائمة framework هاد بيعمل اعادة تشغيل سريعة للموبايل
بعد اعادة التشغيل بتكون تفعلت الأضافة نظامي وصارت قابلة للعمل بالشكل يلي بدك ياه :)
أين توجد اضافات الاكسبوزيد ؟
كل اضافات الاكسبوزيد موجودة في الموقع الرسمي
في بعض الاضافات يلي اكتر شي حسيتا مهمة ومفيدة حكيت عنها بهاد المقال.
المشاكل التي يمكن أن يسببها اكسبوزيد
استخدامك لاضافات غير متوافقة مع جهازك أو نظامك أو حتى استخدامك لاضافات متعارضة من الممكن أن يعرضك لمشكلة البوت لووب boot loop
من غير المتوقع أن تسبب أضافات الاكسبوزيد أو الأكسبوزيد نفسه مشاكل هاردوير أو أعطال
استخدامك لنسخة الاكسبوزد الموجودة فوق مع نظام 4.4+ ممكن يعرضك لمشكلة بوت لوب كمان
مميزات وعيوب اكسبوزيد
الاكسبوزيد هوي أفضل طريقة للتعديل على النظام واضافة مميزات اخرى فيه لم تكن موجودة لذلك أنصح به
من عيوبه الحالية مشكلة المتجر الخاص به ,, يبدو مغلق أو السيرفر محذوف يعني لا تستطيع تحميل الاضافات من داخل تطبيق اكسبوزد لكن تستطيع تحميل كل الاضافات من الموقع الرسمي هنا
أغلب مطوري الرومات المعدلة يلجأوون لدمج بعض أضافات الاكسبوزيد في روماتهم لذلك استخدامه أكثر فائدة في الرومات الرسمية لاضافة المميزات الغير موجودة فيها
في كتير اضافات اكسبوزيد بستخدما حاليا رح احكي عن أهم بمقال تاني انشالله
// متل العادة اذا حدا عندو استفسار أو تعليق يكتبو تحت
في كتير اضافات اكسبوزيد بستخدما حاليا رح احكي عن أهم بمقال تاني انشالله
// متل العادة اذا حدا عندو استفسار أو تعليق يكتبو تحت
تعليقات
إرسال تعليق